Сочинениять темац: Монь краезе – монь Мордовиязе!
МОУ “Средняя общеобразовательная школа №28”
Сочинениять темац:
Монь краезе – монь Мордовиязе!
Сермадозе 6 – це классонь тонафнись:
Цыбисова Оксанась.
Тонафтысь: Сидяева В. А.
Саранск – 2015
Мой край – Мордовия моя.
Монь краезе – Мордовиясь.
Мон аф содан лия васта,
Коса тяфта эждель шись…
Эрь ломанть ули сонцень азксоц эряфонц колга, конац теснаста сотф шачема краенц и юронзон мархта. Монь эряфозе ушедсь Мордовияса, Саранск ошса. Тяса мон шачень, тяса монь кудозе, школазе. Лемозе монь Цыбисова
Монь алязе и тядязе састь Саранскяи Старошайговскяй районцта, Вертелим велеста. Стака ульсь ушедомс од вастса, но синь ашесть эводе сталмоттнень эзда, мусть покодема васта, строясть валда эряф. Оцю лезкс и вийхть максессь Мокшеэрзянь крайти кельгомась.
Мон мокшень народть стирецан, мезенкса марян таколдома эсь народозень инкса. А нинге монь мялезе содамс кельгома народозень традициянзон, обуцянзон, иланзон, и сяда вяри кеподемс сонь лемонц. И надиян, мон карман содамост и сяда тов ванфтомост синь.
Аш кода аф шнамс шачема-касома ширеньконь…
И тя виде. Мон кельгса эсь краезень и марян гордость инксонза. И, верондада, ули тейне мезенкса гординдамс. Мордовиясь весяла пайгонякс кайги сембе масторть келес.
Тя кулятнень пачфнесазь сонь стиренза и церанза.
Мзяра вий путсть сонь ломаненза, мзяра сталма етасть, штоба тяфта гайнель минь республиканьке. Тя оцю тевть тиезе эсь народонц мархта Н. И. Меркушкин. Мокшеэрзянь масторть кеподемс синь путсть лама вий.
Аф стак сермадсь Н. П. Рычков : “Эрзятне – мокшатне – тя тяфтама народ, конань эряви лемдемс модань афкуксонь сокайкс – видикс. Сонь эряфоц етай покодемаса. Козяшиц – парошиц – модаса, конань мельге сон якай цебярь азоркс, кеподьсы эсь кедь вийсонза”.
Кода вишкста кассь минь ошеньке Саранскяйсь, кода сон мазомсь. Од стирь лаца видемсь ронгоц и нармонькс кеподсть сонь пацянза. Кассть лама этажса кутт, конатнень эса эряйхть од семьят, иттненди тифт лама спортивнай сооруженият.
Аф содави тяни минь ошеньке, мазолгодсь и вииясь шачема краеньке.
Аф стак Мордовияньке, оцю кудоньке, вестевок аф шамонды инжихнень эзда. А къда кудце пяшксе ломаньда, эстейтке ули коза лисемс. Етай кизоть минь республиканьке етафтозе оцю иланц “Тежянь киза рузонь народть мархта “. Сашендсть лама инжихть маластонь и ичкоздень республикаста, омба масторста.
Мордовиясь васьфтезень синь кшиса – салса.
Мокшетне и эрзятне эряйхть аф аньцек Мордовия Республикаса, но и сяда ичкоздень областтнень эсовок – Нижегородскяйса, Ульяновскяйса, Челябинскяйса, а станя жа Башкортостанца, Татарстанца и лияса. Мокшетнень лувкссна тячемс содаф аф педа пес. Но сембонь седиса аф мадонды кельгомань толнясь эсь шачема ширенцты.
Лама нациянь ломатть эряйхть Мордовияса. И эряви видеста азомс, эряйхть пяк ладязь, фкя-фкяньди лезксонь максозь. Тястонь ломаттнень ару ваймосна, лямбе седисна и вии кельгомасна эсь шачема крайснонды.
Коса ба афольхть уле: омба масторса или коса, аф юкснесазь, што синь мокшень народть иденза.
Тя пяк петнесы монь мялезень. Сянкса мон сидеста арьсекшнян народозень эряфонц колга. Тейне илядсь аф пяк ламос тонафнемс школаса.
Аф содаса коза прай кизе, но мялезе азомс, мзярда касан и аделаса тонафнемазень, мон аф кадса эсь кельгома и валда уженязень…
…Мокшень крайняй, шачем шире,
Тяста ковга аф туян,
Сяс мес лацот цебярь васта
Костовок мон аф муян. (Кристина ФЕДЬКИНА)
Вярьгя кандан прязень – мон мокшень стирьнян. Мон эрян Мордовияса, Саранск ошса!
Козякот, мазылгат, гайк шачема ширезе, эряфозень пес эряк седисон, цифторды шинякс эжтьк ваймозень!
(1 votes, average: 5.00 out of 5)
Loading...